“Jorginyo inanılmaz oyunçudur" - Arteta

"Arsenal"ın baş məşqçisi Mikel Arteta komanda üzvlərindən olan yarımmüdafiəçi Jorginyo ilə bağlı açıqlama verib.

90deqiqe.az xəbər verir ki, çalışdırıcı braziliyalının komandadakı oyunçular üçün nümunə olduğunu bildirib.

“Jorginyo inanılmazdır, əsl rol modelidir.. Səhhətində bəzi problemlər var idi və ağrıları vardı, amma heç vaxt dayanmaq istəmədi. Jorginyo klubumuzun bütün futbolçuları üçün nümunədir. Əgər peşəkarlıq nümunəsi görmək istəyirsinizsə, sadəcə ona və özünü necə göstərdiyinə baxın”, – jurnalist Fabrizio Romano "X" sosial şəbəkəsində (keçmiş Twitter) Artetanın sözlərini sitat gətirir.

Jorginyo ötən ilin yanvarından "Arsenal"da çıxış edir. Bu mövsüm yarımmüdafiəçi "topçular"ın heyətində bütün turnirlərdə 20 oyun keçirib, bir qol və bir məhsuldar ötürmə edib. Futbolçunun London klubu ilə müqaviləsi bu ilin iyun ayının sonuna kimi qüvvədədir. Transfermarkt internet portalına görə futbolçunun təxmini dəyəri 15 milyon avrodur.