Petit "Çelsi"ni xilas edəcək məşqçinin adını açıqlayıb

“Arsenal”ın sabiq yarımmüdafiəçisi Emmanuel Petit portuqaliyalı baş məşqçi Joze Mourinyonun “Çelsi”yə mümkün qayıdışı ilə bağlı yayılan xəbərlərə cavab verib.

90deqiqe.az xəbər verir ki, 53 yaşlı veteran futbolçu londonluları hazırda xarab maşına bənzətdiyini bildirib.

“Bu maraqlı ola bilər. Bildirilir ki, Xose Con Terrini köməkçi kimi işə götürmək istəyir. Bu ikili komandaya xarakter və şəxsiyyət verəcəkdi. Hazırda komanda xarab maşın kimi görünür. Mourinyo hər şeyi düzəltməyə qadirdir."

Hazırda “zadəganlar”ın baş məşqçi postunu argentinalı mütəxəssis Maurisio Poçettino tutur. 23 turdan sonra komanda İngiltərə çempionatının turnir cədvəlində cəmi 11-ci yerdədir.