"Çelsi" zirvəyə çatanda hər kəsi təəccübləndirəcək - Droqba

"Çelsi"nin sabiq hücumçusu Didye Droqba Maurisio Poçettino komandasının bu mövsümki çıxışı haqda açıqlama verib.

90deqiqe.az xəbər verir ki, 45 yaşlı veteran oyunçu "zadəganlar"ın gələcəkdə hər kəsi təəccübləndirəcəyini bildirib.

"Çelsi"yə bir az vaxt lazımdır. Onlar hələ də öyrənmə prosesindədirlər, onların hələ gənc komandası var. Klub üçün çətin an olsa da, mənim bütün dəstəyim və güvənim onlardır. Onlar öz zirvəsinə çatanda bu, hamını təəccübləndirəcək”, – jurnalist Simon Phillips "X" sosial şəbəkəsində (keçmiş Twitter) Droqbanın sözlərini sitat gətirir.

Xatırladaq ki, bu mövsüm İngiltərə Premyer Liqasında 23 turdan sonra "Çelsi" 31 xalla turnir cədvəlinin 11-ci pilləsində qərarlaşıb. Bazar günü, fevralın 4-də “mavilər” “Vulverhempton”a 2:4, ondan əvvəl isə “Liverpul”a 1:4 hesabı ilə uduzmuşdu.