Onunla yola davam ediləcək

"Arsenal" yarımmüdafiəçisi Jorginyonun komandada qalmaq şansı var.

90deqiqe.az xəbər verir ki, bu barədə jurnalist Fabrizio Romano  "X" sosial şəbəkəsində (keçmiş Twitter) yazıb.

O, tərəflərin əmək müqaviləsində klubun təşəbbüsü ilə cari mövsümün sonuna qədər uzadılması variantı nəzərdə tutulduğunu qeyd edob. Bildirilir ki, "topçular"ın baş məşqçisi Mikel Arteta italyanın oyunundan çox razıdır.

Jorginyo ötən ilin yanvarından "Arsenal"da çıxış edir. Bu mövsüm yarımmüdafiəçi "topçular"ın heyətində bütün turnirlərdə 20 oyunda iştirak edib, bir qol və bir məhsuldar ötürmə edib. Futbolçunun London klubu ilə müqaviləsi bu ilin iyun ayının sonuna kimi qüvvədədir. Transfermarkt internet portalına görə futbolçunun təxmini dəyəri 15 milyon avrodur.