- İngiltərə P.L.
- 18:23 07.09.2024
İngiltərə Premyer Liqasının rəsmi saytı yanvar ayının ən yaxşı futbolçusu mükafatına namizədlərin adlarını açıqlayıb.
90deqiqe.az xəbər verir ki, mükafat uğrunda 5 klubdan 6 futbolçu mübarizə aparır.
Siyahıda “Liverpul” və “Tottenhem”in hücumameyilli futbolçuları Dioqo Jota və Riçarlison, “Arsenal” və “Liverpul”un müdafiəçiləri Qabriel Maqalhaes və Konor Bredli, “Mançester Siti”nin yarımmüdafiəçisi Kevin de Bruyne və “Luton”un hücumçusu Bam Adebayo yer alıb.
Səsvermə fevralın 12-nə qədər davam edəcək. Azarkeşlərin səsi bir qrup futbol mütəxəssisinin fikirləri ilə birləşdiriləcək. Qalib gələn həftə elan olunacaq. 2023-cü ilin dekabrında “Bornmut”un hücumçusu Dominik Solanke Premyer Liqada ayın oyunçusu, “Aston Villa”nın baş məşqçisi Unai Emeri isə ən yaxşı məşqçi seçilib.