Kloze Kloppdan danışdı: "Çox məyusam"

Almaniya millisinin sabiq futbolçusu Miroslav Kloze "Liverpul"un baş məşqçisi Yurgen Kloppla bağlı maraqlı açıqlama verib.

90deqiqe.az xəbər verir ki, 45 yaşlı veteran oyunçu alman çalışdırıcının ondan məşqçilik öyrənmək istəyini rədd etdiyini bildirib.

"Kloppdan soruşdum, amma dostluq cavabı aldım. Mən hər şeyi başa düşürəm, yoxsa, yəqin ki, rahatlıq tapmazdım. Mən çox məyusam.Kloppun belə bir siyasəti var ki, təcrübəsini yalnız onun altında oynayan oyunçulara ötürməyə hazırdır."

Xatırladaq ki, Yurgen Klopp cari mövsümün sonunda "Liverpul"u tərk edəcəyini açıqlamışdı. Alman mütəxəssis açıqlamasında artıq məşqçilik üçün enerjisinin qalmadığını açıqlayıb. Klopp 2015-ci ildən "Liverpul" klubunu çalışdırır. Alman mütəxəssisin rəhbərliyi altında İngiltərə klubu yeddi kubok qazanıb. Bundan əvvəl Xavi də mövsümün sonunda Kataloniya klubunu tərk etmək qərarını açıqlamışdı.