Natan Qvardiolanın gələcəyindən danışdı

"Mançester Siti"nin müdafiəçisi Natan Ake komandanın baş məşqçisi Pep Qvardiolanın İngiltərə klubundakı gələcəyi ilə bağlı açıqlama verib.

90deqiqe.az xəbər verir ki, 28 yaşlı oyunçu ispan çalışdırıcının komanda qalacağına ümid etdiyini bildirib.

“Qvardiola ilə müqavilə uzadılır? Hamı buna ümid edir, amma onun nə edəcəyini heç kim bilmir”

Qvardiola 7 ildir (2016-cı ildən) “Mançester Siti”yə rəhbərlik edir. Onun rəhbərliyi altında komanda beş dəfə İngiltərə çempionu, iki dəfə İngiltərə kuboku və Superkubok, bir dəfə Çempionlar Liqası və UEFA Superkubokunun qalibi olub.

Bu mövsüm Premyer Liqanın 23 turundan sonra turnir cədvəlinə 51 xalla "Liverpul" başçılıq edir. “Mançester Siti” ikinci yerdədir (49 xal), lakin "şəhərlilər" bir oyun az keçirib. İlk üçlüyü “Arsenal” qapayır (49 xal).