Klopp "mavi vərəqə" ilə bağlı: "Bu ideya fantastik görünmür"

"Liverpul"un baş məşqçisi Yurgen Klopp futbolda "mavi vərəqə"nin meydana çıxmasına və  bu vərəqə nəticəsində futbolçuların müvəqqəti olaraq meydandan kənarlaşdırılacağına münasibətindən danışıb.

90deqiqe.az xəbər verir ki, alman mütəxəssis "mavi vərəqə" ideyasının hazırda düzgün vaxtı olmadığını bildirib.

“Mən hər şeyi sadələşdirməyə çalışardım. Fikrimcə, hakimlər üçün oyunu mümkün qədər sadə saxlamalıyıq. Bu çətin işdir, çox yaxşı başa düşürük.Hal-hazırda, mavi vərəqə ideyası fantastik görünmür, amma son illərdə bir dənə də oxşar dəyərli təklif xatırlamıram. Mənim 56 yaşım var, amma heç vaxt yaxşı təklif olmayıb”

Bu yaxınlarda bəlli olub ki, yaxın gələcəkdə "mavi vərəqə" şəklində yeni intizam tənbehi növü tətbiq oluna bilər. Bu kart oyunçulara qəsdən qayda pozuntusuna və ya matç rəsmisi ilə fikir ayrılığına görə göstəriləcək. Bundan sonra oyunçular 10 dəqiqə meydandan kənarlaşdırılacaq.