Artetadan "mavi vərəqə" ilə bağlı: "Cəhd etməyə dəyər"

"Arsenal"ın baş məşqçisi Mikel Arteta futbolda "mavi vərəqə"nin mümkün görünməsinə və  bu vərəqə nəticəsində futbolçuların müvəqqəti olaraq meydandan kənarlaşdırılacağına münasibətindən danışıb.

90deqiqe.az xəbər verir ki, çalışdırıcı bunları deyib.

“Düşünürəm ki, bu tədbirlər hakimlik prosesini sadələşdirmək, hakimlərin çətin qərarlar qəbul edərkən buraxdıqları səhvləri aradan qaldırmaq üçün atılıb. Ümid edirəm ki, bütün bunlar oyunu yaxşılaşdırmaq üçün edilir. Bu vəziyyətdə cəhd etməyə dəyər. Bilmirəm, buna hazırıqmı? Ümid edirəm ki, "mavi kart" təcrübəsi ən yüksək səviyyədə həyata keçirilməzdən əvvəl diqqətlə nəzərdən keçiriləcək”

Bu yaxınlarda bəlli olub ki, yaxın gələcəkdə "mavi vərəqə" şəklində yeni intizam tənbehi növü tətbiq oluna bilər. Bu kart oyunçulara qəsdən qayda pozuntusuna və ya matç rəsmisi ilə fikir ayrılığına görə göstəriləcək. Bundan sonra oyunçular 10 dəqiqə meydandan kənarlaşdırılacaq.