Salah qərarını verdi

"Liverpul"un hücumçusu Məhəmməd Salah İngiltərə komandasını tərk etmək fikrində deyil.

90deqiqe.az  "Football Insider"ə istinadən xəbər verir ki, misirli futbolçu "Liverpul"la müqaviləsini uzatmaq istəyir. Tərəflər arasında mövcud müqavilə 2025-ci ilin yayında başa çatır.

Xatırladaq ki, misirli futbolçu 2017-ci ildə “Roma”dan “Liverpul”a keçmişdi. Bu mövsüm Mohamed Salah İngiltərə komandasının heyətində bütün turnirlərdə 27 oyun keçirib və 18 qol vurub və 9 məhsuldar ötürmə edib. Transfermarkt internet portalının məlumatına görə, 31 yaşlı futbolçunun bazar dəyəri 65 milyon avrodur.

Hazırda Mersisaydlılar 2023/2024 mövsümü üçün İngiltərə Premyer Liqasının turnir cədvəlində birinci yeri tuturlar. Yurgen Kloppun komandası 23 oyundan 51 xala malikdir.