Postecoglou "mavi vərəqə" ilə bağlı: "Bu oyunu məhv edəcək"

"Tottenhem"in baş məşqçisi Angelos Postecoglou İngiltərə Premyer Liqasında "Brayton"la oyun öncəsi "mavi vərəqə"nin təsdiqlənməsi ilə bağlı qaydalara edilən dəyişikliyə qarşı çıxıb.

90deqiqe.az xəbər verir ki, təcrübəli çalışdırıcı bu layihənin oyunları məhv edəcəyini bildirib.

“Bir komandanın on nəfərlə qaldığı on dəqiqə ərzində nə baş verəcəyini bilirsinizmi? Bir komandanın öz hədəfində oturduğunu, kənarlaşdırılan oyunçunun sahəyə qayıtmasını gözləyərkən vaxt itirməyə çalışdıqlarını izləyəcəyik. İstənilən başqa idman növündə onlar faydalı dəyişikliklər etməyə çalışırlar, halbuki bizim oyunumuzda nədənsə hər şey başqa istiqamətdə gedir. Futbolun populyarlığının səbəbi onun sadəliyidir. Bu transformasiya oyunu məhv edəcək”

Daha əvvəl futbolda "mavi vərəqə"nin tezliklə təsdiq oluna biləcəyi ilə bağlı məlumatlar ortaya çıxıb. Bu kartı alan oyunçular 10 dəqiqəlik oyundan kənarlaşdırılacaq.

Hazırda 23 oyundan sonra 44 xal toplayan "Tottenhem" İngiltərə Premyer Liqasının turnir cədvəlində 5-ci yerdədir. Brighton eyni sayda oyundan 35 xalla səkkizinci yerdədir.