Qvardioladan "mavi vərəqə" ilə bağlı AÇIQLAMA

"Mançester Siti"nin baş məşqçisi Pep Qvardiola futbolda "mavi vərəqə"nin mümkün tətbiqi ilə bağlı açıqlama verib.

90deqiqe.az xəbər verir ki, ispan çalışdırıcı bununla bağlı fikir bildirməyin tez olduğunu bildirib.

“Bu barədə eşitmişəm, amma hələlik qeyri-rəsmi məlumatdır. FİFA yekun qərarı verəndə və bütün dünyaya "mavi vərəqə"nin bütün qaydalarını izah edəndə, o zaman fikrimi bildirərəm. Amma indi bu, sadəcə bir fikirdir”

Bu yaxınlarda məlum olub ki, yaxın gələcəkdə mavi vərəqə şəklində yeni intizam tənbehi növü tətbiq oluna bilər. Bu kart oyunçulara qəsdən qayda pozuntusuna və ya matç rəsmisi ilə fikir ayrılığına görə göstəriləcək. Bundan sonra oyunçular 10 dəqiqə meydandan kənarlaşdırılacaq.