Rodri futbola necə yanaşmasından danışıb

"Mançester Siti"nin yarımmüdafiəçisi Rodriqo Hernandes (Rodri) oyun tərzi ilə bağlı fikirlərini bölüşüb.

90deqiqe.az xəbər verir ki, ispan matçlar zamanı diqqətini topa cəmlədiyini, ətrafda baş verənlərə nəzarət etdiyini etiraf edib.

“Mən oyunu başa düşməyə çalışan bir oyunçuyam. Mən matçlara baxanda bunu edirəm. Oyun zamanı topa fikir vermirəm. Ətrafımda baş verənləri izləyirəm. Düşünürəm ki, yarımmüdafiəçi üçün bu uğurun açarıdır. Mən qol vurmağı sevirəm, amma meydanda nə qədər gözəl hərəkətlərin olduğunu anlayıram. Meydançanın mərkəzində lider olmaq, komandanı təşkil etmək nə qədər vacibdir. Yarımmüdafiədə sən hər yerdəsən. Bütün oyunun bir hissəsi. Mən həmişə belə oynamaq istəmişəm”, - Rodrinin sözlərini “Mirror” sitat gətirib.

Xatırladaq ki, Rodri 2019-cu ilin iyulundan “Mançester Siti”də çıxış edir. Onun ingilis klubu ilə hazırkı əmək müqaviləsi 2027-ci ilin iyununda başa çatır. Bu mövsüm ispaniyalı bütün turnirlərdə 27 matçda iştirak edib, 6 qol vurub və 7 məhsuldar ötürmə edib.