Maquayr Hoylundu təriflədi

"Mançester Yunayted"in müdafiəçisi Harri Maquayr komanda yoldaşı, danimarkalı hücumçu Rasmus Hoylundun çıxışı ilə bağlı fikirlərini bölüşüb.

90deqiqe.Az xəbər verir ki, ingilis oyunçu Hoylundun daha çox qollara imza atacağına inandığını bildirib.

“Biz həmişə bilirdik ki, Hoylund çox qol vuracaq, çünki o, müstəsna istedaddır. “Mançester Yunayted” gənc oyunçulara mütəmadi olaraq şans verilməsi fəlsəfəsini qurub. Əgər onlar şanslarından istifadə etməyi bacarsalar, həmişə əsas komandada olacaqlar”

Hoylund 2023-cü ilin yayında 73,9 milyon avroya "Atalanta"dan "Mançester Yunayted"ə keçib.Bu mövsüm forvard "qırmızı şeytanlar"ın heyətində bütün turnirlərdə 28 oyun keçirib və 11 qol vurub və 2 məhsuldar ötürmə edib. Futbolçunun ingilis klubu ilə müqaviləsi 2028-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 65 milyon avrodur.