Doku driblinqi bu ulduzlardan öyrəndiyini ETİRAF ETDİ

"Mançester Siti"nin vingeri Ceremi Doku driblinq bacarığını necə inkişaf etdirməsi ilə bağlı açıqlama verib.

90deqiqe.Az xəbər verir ki, 21 yaşlı futbolçu Messi və Ronaldinyonun driblinqlərini izlədiyini bildirib.

“Messi və Ronaldinyonu çox bəyəndim və bir çox digər driblinqçiləri izlədim. Uşaq vaxtı onlarla tez-tez videolara baxırdım, sonra küçədə oynayarkən özümə aid nəsə fikirləşməyə çalışırdım. Driblinq mənə sevinc gətirir. Mən sadəcə izləmək üçün izləmirəm - bunu etməklə özümü doğru hesab edirəm. Bəzən bunun üzərində işləməli oluram, amma həmişə uğurlu driblingdən sonra düzgün həll yolu tapmağa çalışıram”

Qeyd edək ki, belçikalı oyunçu ötən ilin yayında "Renn"dən "Mançester Siti"yə keçib.O, bu mövsüm "şəhərlilər"in heyətində 26 matçda iştirak edib, 5 qol vurub və 6 məhsuldar ötürmə edib.Futbolçunun komanda ilə hazırkı müqaviləsi 2028-ci ilin yayına qədər nəzərdə tutulub.Transfermarkt portalında verilən məlumata görə, futbolçunun bazar dəyəri 65 milyon avrodur.