Qvardiola Kloppun işə qayıdacağına əmindir

"Mançester Siti"nin baş məşqçisi Pep Qvardiola Yurgen Kloppun "Liverpul"dan ayrılması haqda danışıb.

90deqiqe.Az xəbər verir ki, ispan çalışdırıcı Kloppun işə qayıdacağına inandığını bildirib.

"Əminəm ki, işə qayıdacaq. Bunun nə vaxt olacağını dəqiq bilmirəm, buna özü qərar verəcək.Klopp bir az dincələcək, dincələcək və sonra nə edəcəyini düşünəcək”, - deyə Qvardiola “This is Anfield”dən sitat gətirir.

Klopp yanvar ayında mövsümün sonunda "Liverpul"un baş məşqçisi postunu tərk edəcəyini açıqlamışdı.

Klopp 2015-ci ildə "Liverpul"u çalışdırıb. 2019-cu ildə o və “qırmızılar” Çempionlar Liqasının, gələn il isə İngiltərə Çempionatının qalibi olub. Bu mövsüm Premyer Liqaya 24 turdan sonra 54 xalla "Liverpul" başçılıq edir.