"Poçettino bizə inanır, biz də özümüzə inanırıq"

"Çelsi"nin yarımmüdafiəçisi Koul Palmer komandanın baş məşqçisi Maurisio Poçettino haqda danışıb.

90deqiqe.Az-ın məlumatına görə, ingilis yarımmüdafiəçi, argentinalı mütəxəssisin komandanın futbolçularına hərtərəfli dəstək verdiyini bildirib.

"Çelsi"yə ilk qatılanda məni qucaqladı və yaxşı oynamaq üçün mənə sərbəstlik və inam verdi. Rəhbər bizə inanır, biz də özümüzə inanırıq. Bir şey səhv olanda komandanın ətrafında həmişə söz-söhbətlər olacaq, amma biz buna məhəl qoymamalı və özümüzə fokuslanmağa çalışmalıyıq”, - Palmer “Çelsi”nin rəsmi saytından sitat gətirib.

Koul ötən yay "Çelsi"yə keçib. Bu mövsüm 21 yaşlı Palmer bütün yarışlarda 31 oyun keçirib, 14 qol vurub və 9 məhsuldar ötürmə edib. Nüfuzlu “Transfermarkt” internet portalı ingilis yarımmüdafiəçinin bazar dəyərini 45 milyon avro qiymətləndirir.