"Onlar finalda oynamayacaqlar" - Klopp

"Liverpul"un zədəli futbolçuları Dominik Szoboslai və Trent Alexander-Arnold İngiltərə Liqa Kubokunun finalında "Çelsi"yə qarşı oynaya bilməyəcəklər.

90deqiqe.Az xəbər verir ki, bu barədə Mersisayd klubunun baş məşqçisi Yurgen Klopp bildirib.

“İnsanlar final haqqında düşünürlər və bu, tamamilə normaldır, amma hələ iki oyunumuz var - "Brentford" və "Luton"a qarşı. Hələ ki, Liqa Kubokunun finalında nə olacağını düşünməmişəm. Bəli, bu, bir oyundur, amma qarşıda daha iki oyun var və təəssüf edirəm ki, Trent və Sobo bunlarda iştirak edə bilməyəcəklər.Deyə bilərəm ki, Dominikin “Çelsi”yə qarşı oynamaq şansı yoxdur və Trent daha sonra meydana qayıdacaq. Ola bilsin ki, bir və ya iki həftəyə." - klubun rəsmi saytı alman çalışdırıcıdan sitat gətirir.

2023/2024 mövsümü üçün İngiltərə Liqa Kubokunun finalı fevralın 25-də Londonun Uembli stadionunda keçiriləcək.