Poçettino Mudrikin məhdud oyun müddətindən danışdı

"Çelsi"nin baş məşqçisi Maurisio Poçettino cinah yarımmüdafiəçisi Mixail Mudrikin komandanın son oyunlarında az oyun keçirməsindən danışıb.

90deqiqe.Az xəbər verir ki, argentinalı çalışdırıcı 23 yaşlı futbolçunun özünü inkişaf etdirməkdə olduğunu bildirib.

"Mudrik yaxşılaşmağa davam edir. Bəzən yeniyetmələr irəliləməyə davam edə bilmək üçün ağrı hiss etməlidirlər. Əks halda çox asan olardı. Belə bir vəziyyətlə necə davranmağınız çox vacibdir ", - Poçettino "Sky Sports"dan sitat gətirib.

Qeyd edək ki, əvvəlki iki oyunda ukraynalı futbolçu London klubunun ehtiyat oyunçular skamyasında qalıb.

Xatırladaq ki, Mixail Mudrik ötən ilin yanvarında 70+30 milyon avroya "Çelsi"yə keçib.Cinah oyunçusu bu mövsüm "mavilər"in heyətində bütün turnirlərdə 25 oyun keçirib və 4 qol vurub və 3 məhsuldar ötürmə edib. Ukrayna millisinin futbolçusu ilə London komandası arasında mövcud əmək müqaviləsi 2031-ci ilin yayına kimi nəzərdə tutulub.