"Bizi hələ çox çətin oyunlar gözləyir" - Havertz 

"Arsenal"ın yarımmüdafiəçisi Kay Havertz İngiltərə çempionatının 25-ci turunun son oyununda "Bernli"yə qalib gəldikləri oyunla bağlı fikirlərini bölüşüb.(0:5) 

90deqiqe.Az-ın məlumatına görə, 24 yaşlı futbolçu hələ qarşıda çətin oyunlar onları gözlədiyini bildirib.

“Biz yaxşı dövrdəyik, 2024-cü ildə bütün oyunlarda qalib gəldik, bu əladır. Bunun arxasında gərgin iş var idi və qarşıda bizi hələ çox çətin oyunlar gözləyir. Görməli olduğumuz çox iş var.

“Bernli” ilə oyuna əla start vermək istəyirdik.Erkən qol bizim üçün çox vacib idi. Möhtəşəm qollar vurduq və qələbə qazandıq.", - BBC alman oyunçudan sitat gətirib.

Xatırladaq ki, İngiltərə Premyer Liqasının 25 turundan sonra Mikel Artetanın yetirmələri 55 xal toplayıb və hazırda lider “Liverpul”dan 2 xal geri qalaraq ikinci pillədə qərarlaşıb.