Hazard “Çelsi”ni seçməsinin səbəbini açıqladı

Belçikalı cinah oyunçusu Eden Hazard 2012-ci ildə "Çelsi"ni seçməsinin səbəbini açıqlayıb.

90deqiqe.Az-ın məlumatına görə, 33 yaşlı sabiq futbolçu londonlulara keçməyin variantları arasında olmadığını bildirib.

“Ser Aleks Ferqyusonla danışdım. Həmin vaxt "Tottenhem"i çalışdıran Harri Rednappla da söhbət etdim. “Mançester Siti”nin bazasını qiymətləndirmək üçün Mançesterə gəldim. Ona görə də bir neçə variantım var idi, amma "Çelsi" onlardan biri deyildi.

Son mövsümümü “Lill”də keçirəndə “Çelsi” Premyer Liqada o qədər də yaxşı çıxış etmirdi. Komanda altıncı və ya yeddinci idi, dəqiq xatırlamıram. Fransanı tərk edib İngiltərəyə gedəcəyimi bilirdim, amma Çempionlar Liqasında oynamaq istədiyim üçün və bu turnirin qazandıqlarına görə "Çelsi"yə getdim."Çelsi" prioritetlər siyahısında xeyli geriləyib. Buna görə də Droqbaya minnətdaram”

Xatırladaq ki, “Çelsi” belçikalı futbolçunu 2012-ci ildə “Lill”dən 40 milyon avroya almışdı. Hazard bu yaxınlarda futboldan ayrıldı.