"Onsuz əlimizdə olanlara nail olmaq bizim üçün çox çətin olardı"

"Mançester Siti"nin baş məşqçisi Pep Qvardiola yarımmüdafiəçi Rodrini dünyanın ən yaxşı yarımmüdafiəçisi olduğunu açıqlayıb.

90deqiqe.Az xəbər verir ki, ispan çalışdırıcı, 27 yaşlı futbolçu olmasaydı əldə olunan titulları qazanmağın çətin olacağını bildirib.

“Rodri hazırda dünyanın ən yaxşı yarımmüdafiəçisidir. Hər şeyi edə bilən inanılmaz oyunçu. Bu, "Mançester Siti" üçün əla imza idi. Unutmayın ki, Rodrisiz əlimizdə olanlara nail olmaq bizim üçün çox çətin olardı”, – məşhur jurnalist və insayder Fabrizio Romano X sosial şəbəkəsində (keçmiş Twitter) Qvardioladan sitat gətirir.

Xatırladaq ki, Rodri "Mançester Siti"yə 2019-cu ilin yayında keçib. İspan yarımmüdafiəçinin ingilis klubu ilə hazırkı müqaviləsi 2027-ci ilin yayına kimi nəzərdə tutulub. Nüfuzlu “Transfermarkt” onlayn portalı 27 yaşlı futbolçunun bazar dəyərini 110 milyon avro qiymətləndirir.