Roy Hocson "Kristal Pelas"dan ayrıldı

 İngilis mütəxəssis Roy Hocson "Kristal Pelas"dakı baş məşqçi postunu tərk edib.

90deqiqe.Az xəbər verir ki, 76 yaşlı çalışdırıcı burada keçirdiyi dövrdən həzz aldığını bildirib.

“Bu klub xüsusidir, mənim üçün çox şey deməkdir və futbol həyatımda böyük rol oynayıb. "Burada keçirdiyim altı mövsümdən tam həzz aldım... Ancaq başa düşürəm ki, son şərtləri nəzərə alaraq, indi klubun qabaqcadan plan qurması ehtiyatlı ola bilər", - Hodgson klubun mətbuat xidmətindən sitat gətirib.

Xatırladaq ki, Hocson 2017-ci ildən “Kristal Pelas”a rəhbərlik edirdi. 2022-ci ildə mütəxəssis qısa müddətə London komandasını tərk edərək "Uotford"la işləməyə başlamışdı. Ümumilikdə Hocsonun rəhbərliyi altında klub 200 oyun keçirib, 66 dəfə qalib gəlib, 46 dəfə heç-heçə edib və 88 dəfə məğlub olub.

Hocsonu hazırda klubsuz olan Oliver Qlasner əvəz edəcək. 49 yaşlı mütəxəssis məşqçilik karyerası ərzində "Rid", "LASK", "Volfsburq" və "Ayntraxt" kimi komandalara rəhbərlik edib. Frankfurt ilə Qlasner 2021/2022 Avropa Liqasının qalibi olub.