"Qayıtmaq üçün mübarizə aparacağam"

"Liverpul"un dizindən zədə alan hücumçusu Dioqo Jota bacardıqca yaşıl meydanlara tez qayıdacağına söz verib.

90deqiqe.Az xəbər verir ki, futbolçu zədəsini sağaltmaq üçün mübarizə aparacağını bildirib.

“Daha bir uğursuzluq. Ən qısa zamanda qayıtmaq üçün mübarizə aparacağam”, – portuqaliyalı hücumçu X sosial şəbəkəsində (keçmiş Twitter) yazıb.

Bu mövsüm Dioqo Jota "Liverpul"un heyətində bütün turnirlərdə 28 oyunda iştirak edib, 14 qol vurub və 4 məhsuldar ötürmə edib. Xatırladaq ki, bu gün, fevralın 21-də “Liverpul” Premyer Liqanın 26-cı turunun matçında “Luton”la qarşılaşacaq. Bu günə olan məlumata görə, mersisaydlılar 57 xalla turnir cədvəlinə başçılıq edirlər. Fevralın 25-də Yurgen Kloppun komandası İngiltərə Liqa Kuboku uğrunda oyunda Londonun “Uembli” stadionunda “Çelsi” ilə qarşılaşacaq.