“Mançester Yunayted”dən ayrılır – 9 ildən sonra

"Mançester Yunayted"in hücumçusu Antoni Marsial bu yay komandanı tərk edəcək.

90deqiqe.Az xəbər verir ki,  bu barədə jurnalist Rudi Qaletti  "X" sosial şəbəkəsində (keçmiş Twitter) yazıb.

O “qırmızı şeytanlar”ın məşqçilər korpusunun 28 yaşlı futbolçuya güvənmədiyini bildirib. Mankunianların çalışdırıcısı artıq bu barədə klub rəhbərliyini xəbərdar edib, bundan sonra fransalı ilə əmək müqaviləsinin uzadılması variantının aktivləşdirilməməsinə qərar verilib. Futbolçu azad agent kimi "Mançester Yunayted"dən ayrılacaq. Qeyd olunur ki, hazırda heç bir Avropa klubu forvardın nümayəndələri ilə əlaqə saxlamayıb.

Martial 2015-ci ildən "Mançester Yunayted"də çıxış edir. Bu mövsüm forvard "qırmızı şeytanlar"ın heyətində bütün turnirlərdə 19 yarımçıq oyun keçirib və iki qol vurub və bir məhsuldar ötürmə edib. Futbolçunun hazırkı klubu ilə müqaviləsi 2024-cü ilin iyun ayının sonuna qədər qüvvədədir. Transfermarkt internet portalına görə futbolçunun təxmini dəyəri 15 milyon avrodur.