"Almaniyaya Klopp kimi xarakterli lider lazımdır" - Ballak

"Çelsi"nin sabiq yarımmüdafiəçisi Mixael Ballak Almaniya millisinin baş məşqçisi kimi işləməyə kimi ən uyğun namizədi açıqlayıb.

90deqiqe.Az xəbər verir ki, 47 yaşlı veteran futbolçu "Liverpul"un çalışdırıcısı Yurgen Kloppun bu posta ən uyğun olduğunu bildirib.

“İdeal ssenaridə Klopp Almaniyanın baş məşqçisi olmalıdır, hamı bunu istəyir. O, əla iş gördü və Liverpool-u qeyri-adi bir komanda etdi. İndi o, dünyanın istənilən klubunu çalışdıra bilər və hamı ona sahib olmaqdan məmnun olacaq.

Klopp bütün alman xüsusiyyətlərini simvolizə edən lazımi keyfiyyətə və xarakterə malikdir. Onun kimi liderə ehtiyacımız var. O, hazır olduqda, düşünürəm ki, milli komandanın bütün azarkeşləri xoşbəxt olacaqlar”, - Football.London Ballakın sözlərini sitat gətirir.

Klopp 2015-ci ilin payızından "Liverpul"a rəhbərlik edir. Bu müddət ərzində alman mütəxəssis mersisaydlılarla UEFA Çempionlar Liqası da daxil olmaqla 7 kubok qazanıb.