"Çelsi"nin problemlərində ən son günahkar Poçettinodur"

"Çelsi"nin sabiq müdafiəçisi Frank Leboeuf londonluların baş məşqçisi Maurisio Poçettinonun işindən danışıb.

90deqiqe.Az xəbər verir ki, 56 yaşlı veteran futbolçu komandadakı hazırkı vəziyyətinə görə ən son günahkar argentinalı mütəxəssisin olduğunu bildirib.

“Poçettino “Çelsi”yə gələndə bu işə uyğun başqa adam yox idi. Hər kəsi, hətta Qvardiolanı belə təyin etmək mümkün idi, lakin onun uğur qazanacağı ehtimalı azdır. Dərhal həll yolu yox idi.

Məncə, “Çelsi”dəki hazırkı vəziyyətə görə ən son günahkar Poçettinodur. Layihəni öhdəsinə götürmək üçün cəsarəti var idi və o, yaxşı işləyir. Bəzən onu tənqid etmək ədalətli olur, amma fors-major və zədələri də unutmaq olmaz. Maurisio əlindən gələni etdi. O, futbolçularda inamı bərpa edir və onlar yaxşı oynamağa qadir olduqlarını göstərirlər”, - deyə Leboeuf bildirib.

Poçettino ötən ilin iyulunda “Çelsi” ilə işləməyə başlayıb. Hazırda “aristokratlar” 25 turdan sonra 35 xal toplayaraq İngiltərə çempionatının turnir cədvəlində 10-cu pillədə qərarlaşıb. Bazar günü,  londonlular İngiltərə Liqa Kubokunun finalında "Liverpul"la qarşılaşacaq.