"Hoylund "MY"in ən yaxşı hücumçusu ola bilər"

"Arsenal"ın və "Çelsi"nin sabiq yarımmüdafiəçisi Sesk Fabreqas danimarkalı hücumçu Rasmus Hoylundun "Mançester Yunayted"dəki çıxışı ilə bağlı fikirlərini bölüşüb.

90deqiqe.Az xəbər verir ki, 36 yaşlı çalışdırıcı, Hoylundu niderlandlı əfsanə Van Nistelroya bənzədiyini bildiirb.

“O, çox yaxşı hücum edir. Çox ağıllıdır. O, Van Nistelroya bənzəyir. İnanıram ki, o, özünə inam qazandıqdan sonra gələcəkdə həqiqətən "Yunayted"in ən yaxşı hücumçusu ola bilər.”, - Fabreqas BBC-dən sitat gətirib.

21 yaşlı Hoylund 2023-cü ilin yayında 73,9 milyon avroya "Atalanta"dan "Mançester Yunayted"ə keçib.Bu mövsüm forvard "qırmızı şeytanlar"ın heyətində bütün yarışlarda 30 oyun keçirib və 13 qol vurub və 2 məhsuldar ötürmə edib. Futbolçunun ingilis klubu ilə müqaviləsi 2028-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 65 milyon avrodur.