"Vest Hem"in futbolçusu azarkeşlərdən üzr istədi

"Vest Hem"in hücumçusu Maykl Antonio "Liverpul" azarkeşlərindən üzr istəyib. 

90deqiqe.Az xəbər verir ki, 33 yaşlı bu mövsüm başlamazdan komandasının onlardan daha üst pillədə bitərəcəyini bildirdiyi üçün bu addımı atıb.

“Bir az gülünc oldu. Bəli, dedim ki, "Liverpul"dan yuxarıda bitirmək ehtimalımız var. Yalan deməyəcəyəm, bunu dedim. Aydındır ki, yanılmışam. Ona görə də indi "Liverpul" azarkeşlərindən açıq üzr istəyirəm. Sözlərimi geri götürürəm”, - “Liverpool Echo” Maykl Antoniodan sitat gətirir.

Qeyd edək ki, futbolçu yayda "çəkiclər"in 2023/2024 mövsümünü cədvəldə Mersisaydlılardan yuxarıda bitirə biləcəyini demişdi.

Əlavə edək ki, bu mövsüm İngiltərə Premyer Liqasının 25 turundan sonra "mersisaydlılar" turnir cədvəlinə başçılıq edir, "Vest Hem" isə 9-cu yerdədir.