"Liqa Kubokunu qazanacağıq"

"Liverpul"un müdafiəçisi və kapitanı Vircil van Deyk  İngiltərə Liqa Kubokunun finalı ilə bağlı açıqlama verib.

90deqiqe.Az xəbər verir ki, niderlandlı oyunçu ümid mersisaydlıların həlledici matçda "Çelsi"ni məğlub edə və kuboku qazana biləcəyinə ümid etdiyini bildirib.

“Bu klub üçün finalda oynamaq ağlasığmaz bir şeydir. Təbii ki, ilk növbədə hamımız qələbə qazanmaq istəyirik, amma final finaldır. Bu, mövsümün ilk kubokunu götürmək üçün fürsətdir və bu, kampaniyanın qalan hissəsində bizə təkan verəcək. Qarşıdan gələn oyunu səbirsizliklə gözləyirəm. Ümid edirəm ki, biz ən yaxşı nəticəyə nail olacağıq və Liqa Kubokunu qazanacağıq”, - “Liverpul”un rəsmi saytı van Dijkdən sitat gətirir.

Xatırladaq ki, İngiltərə Liqa Kubokunun finalı fevralın 25-də Londonun “Uembli” stadionunda “Liverpul” – “Çelsi” komandaları arasında keçiriləcək.