"Liverpul"un futbolçusu özünə cangüdən tutdu

"Liverpul"un sağ cinah müdafiəçisi Trent Alexander-Arnold özünə cangüdən götürüb.

90deqiqe.Az"The Sun"a istinadən məlumatına görə, buna səbəb ingilis futbolçunun  ötən il qadın azarkeş tərəfindən təqib olunması olub. 

Qadın futbolçunun evinə gələrək onu "Liverpul"un məşq bazasında, həmçinin onun sevimli restoranının yanında gözləyib.

Bundan əlavə, Alexander-Arnoldun bir pərəstişkarı ona tez-tez zəng edərək intim fotoşəkillər göndərib. Futbolçunun azarkeşi "Liverpul"un müdafiəçisinin ailə üzvlərinə də nalayiq mesajlar da yollayıb.

Alexander-Arnold mobil telefon nömrəsini dəyişməli, evində videomüşahidə və siqnalizasiya sistemi quraşdırmaq məcburiyyətində qalıb.