"MY-i məğlub etmək bizim üçün fantastik hissdir"

"Fulhem"in baş məşqçisi Marko Silva Premyer Liqanın 26-cı turunda "Mançester Yunayted"lə oyunda (2:1) qazanılan qələbəni şərh edib.

90deqiqe.Az xəbər verir ki, çalışdırıcı, bu qalibiyyətin onlar üçün böyük bir qələbə olduğunu bildirib.

“Bu, bizim üçün böyük qələbədir. Təbii ki, ilk fitdən son fitə kimi hay-küylü olan azarkeşlərimiz üçün bu, çox gözəl hissdir. Oyunçular buna layiq idilər, açıq-aydın ən yaxşı komanda oyunu qazandı. Biz daha yaxşı oynayan, daha çox şans yaradan və oyuna daha yaxşı nəzarət edən komanda idik.

Bura gəlib yaxşı formada olan komandanı məğlub etmək bizim üçün fantastik hissdir. Biz yüksək səviyyədə oynamalı olduğumuzu bilirdik və bunu etdik. Onların da iki-üç şansı oldu, keyfiyyətli komandadı, amma biz buna çox yaxşı nəzarət etdik. İkinci hissənin əvvəlində göstərdiyimiz oyundan məmnunam”