"Çelsi"nin futbolçusu evində bunker tikdirəcək

"Çelsi"nin futbolçusu Rahim Sterlinq 2022-ci ildə oğurluqdan sonra yeni evində bunker tikməyi planlaşdırır.

90deqiqe.Az "The Sun"a istinadən xəbər verir ki, ingilis forvard təhlükəsizlik kabinəsi və təhlükəsiz telefon xətləri olan bunker tikmək niyyətindədir. 29 yaşlı futbolçunun 2022-ci ilin dekabrında Dünya Kubokunda olarkən Surreydəki evinin oğurlanmasından sonra daha ehtiyatlı olduğu bildirilir.

Xatırladaq ki, 2022-ci ilin dekabrında baş verən oğurluq zamanı futbolçunun sevgilisi Peyc Milian və iki uşağı evdə olub. Qız polisə müraciət edib. Hücum edənlər 350 min avro dəyərində saatlar və müxtəlif zinət əşyaları oğurlaya biliblər. Rahim Sterlinq İngiltərə yığmasından ayrılaraq ailəsini sakitləşdirmək üçün İngiltərəyə getsə də, sonradan milli komandaya qayıdıb.