"Biznes davam etməlidir" - Qvardiola

"Mançester Siti"nin baş məşqçisi Pep Qvardiola komandasının Premyer Liqanın 26-cı turunda "Bornmut"a səfərdə qazandıqları qələbədən (1:0) sonra matçlarının təqvimi ilə bağlı tənqidi fikirlər səsləndirib.

90deqiqe.Az xəbər verir ki, ispan çalışdırıcı, üç gündən bir oynadıqlarını bildirib.

“Təqvimə görə çox sağ olun. Bu həddən artıqdır. Tamamilə. Amma iş davam etməlidir... Mən oyunçularımı sevirəm. Onlar supermendir. Üç gündən bir oynayırlar. İnsanlar soruşurlar: Bu şəraitdə Premyer Liqada oynaya bilərsənmi? Xeyr. Biz hamıdan daha çox oyun oynayırıq”

"Mançester Siti" Premyer Liqanın turnir cədvəlində 26 matçdan sonra 59 xalla lider "Liverpul"dan bir xal geri qalaraq ikinci yerdədir. Bu mövsüm Pep Qvardiolanın komandası 40 oyun keçirib (26 Premyer Liqa, 7 Çempionlar Liqası, 2 Klublararası Dünya Çempionatı, 2 İngiltərə Kuboku, 1 İngiltərə Super Kuboku, 1 UEFA Super Kuboku, 1 Liqa Kubokunda 1).