"Mançester Yunayted" 10 oyunçusu ilə yollarını ayırır

"Mançester Yunayted" yayda ən azı 10 futbolçudan xilas olmağı planlaşdırır.

90deqiqe.Az xəbər verir ki, bu barədə jurnalist Samuel Lukhurst "X" sosial şəbəkəsində (keçmiş Twitter) yazıb. O klubun əsas təmizlik və siyahının yenilənməsini planlaşdırdığını qeyd edib.

Təşəbbüs klubun yeni sahiblərindən gəlir. Rəhbərlik bəzi futbolçularla başa çatan müqavilələri yeniləməyəcək. Bu kateqoriyaya hücumçu Antoni Marsial, həmçinin müdafiəçilər Rafael Varan və Coni Evans daxildir. Satışa çıxarılan siyahıya Kristian Eriksen, Antoni, Kazemiro və hazırda "Borussiya Dortmund"da icarədə olan Cedon Sanço daxil ola bilər.

Qeyd edək ki, "Mançester Yunayted" hazırda İngiltərə Premyer Liqasında altıncı pillədə qərarlaşıb.