“Mançester Yunayted” onunla bağlı qərar verdi

"Mançester Yunayted" yarımmüdafiəçi Sofyan Amrabatın gələcəyi ilə bağlı qərar verib.

90deqiqe.Az xəbər verir ki, "qırmızı şeytanlar" mərakeşli ilə müqavilə imzalamayacaq. Beləliklə, bu mövsümün sonunda Amrabat “Fiorentina”ya qayıdacaq. 2023/2024 mövsümündə Amrabat 19 oyun keçirib. Yarımmüdafiəçi heç bir təsirli hərəkəti ilə diqqət çəkməyib.

Xatırladaq ki, Cim Ratkliff bu yaxınlarda “Mançester Yunayted”in 25%-lik səhmini alıb. Yayda "qırmızı şeytanlar"ın heyətində yenidən qurulma olacağı gözlənilir. Hazırda “Mançester Yunayted” İngiltərə çempionatının turnir cədvəlində altıncı yerdədir.