"Bu, bizi daha da ac etməlidir"

"Liverpul"un müdafiəçisi Vircil van Deyk komandasının "Çelsi" ilə İngiltərə Liqa Kubokunun finalında qazandığı qələbənin əhəmiyyətindən danışıb. 

90deqiqqe.Az xəbər verir ki, niderlandlı oyunçu bu qələbənin bundan sonra da uğur qazanacaqları təkan olacağını bildirib.

“Bir şey varsa, bu, bizi daha da ac etməlidir. Bazar günü qələbə ilə gələn o hissləri yaşayanda, onları təkrar-təkrar istəyirsən. Bu, uğur qazanmağı asanlaşdırmır, çünki orada uğura can atan çoxlu komanda var, lakin bunun necə olduğunu bilmək mütləq əlavə təkan verir. Ümid edirəm ki, bundan istifadə edə bilərik”, - deyə Liverpulun rəsmi saytı Van Deykdən sitat gətirir.

Qeyd edək ki, sözügedən həlledici matçda “Liverpul” minimal hesabla qalib gəlib. Matçda yeganə qolu Van Deyk vurub. Müdafiəçi matçın 118-ci dəqiqəsində künc zərbəsindən sonra fərqlənib.