"Mançester Yunayted" Qrinvudun gələcəyi ilə bağlı qərarı bu tarixdə verəcək

"Mançester Yunayted" rəhbərliyi hazırda bir illik icarə əsasında "Xetafe"də çıxış edən forvard Meyson Qrinvudun gələcəyi ilə bağlı qərar vermək üçün son tarix qoyub.

90deqiqqe.Az xəbər verir ki, bu barədə “Mirror” xəbər verir.

Mənbənin məlumatına görə, mankunianlı bosslar hücumçunun klubda qalması ilə bağlı nəhayət, bu ilin may ayının sonuna kimi qərar verəcəklər. “Qırmızı şeytanlar”ın həmsahibi Cim Ratkliff istisna etmir ki, 22 yaşlı futbolçu İngiltərə klubunda təmiz səhifə ilə başlaya bilər.

Bu mövsüm Qrinvud bütün yarışlarda 25 oyun keçirib, 7 qol vurub və 5 məhsuldar ötürmə edib. Futbolçunun "Mançester Yunayted"lə müqaviləsi 2025-ci ilin iyun ayının sonuna qədər qüvvədədir. Transfermarkt internet portalının məlumatına görə, futbolçunun təxmini dəyəri 7,5 milyon avrodur.Daha əvvəl Qrinvudun "Mançester Yunayted"ə qayıtmaq istəmədiyi bildirilirdi.