- İngiltərə P.L.
- 18:23 07.09.2024
"Mançester Yunayted" "Kristal Pelas"dan iki hücumameyilli futbolçu ilə maraqlanır.
90deqiqqe.Az xəbər verir ki, “qırmızı şeytanlar” yayda cinah oyunçuları Maykl Olise və Ebereçi Ezeni almağa cəhd edəcək. Mankunianlılar iki futbolçu üçün ümumilikdə təxminən 100 milyon avro ödəməli olacaqlar.
Qeyd olunur ki, Premyer Liqanın daha üç klubu "Çelsi", "Mançester Siti" və "Liverpul" da Olisenin xidmətində maraqlıdır.
Bu mövsüm Eze "Kristal Pelas"ın heyətində bütün yarışlarda 20 oyun keçirib və bu matçlarda 5 qol vurub və 3 məhsuldar ötürmə edib. Futbolçunun ingilis klubu ilə müqaviləsi 2027-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 48 milyon avrodur.
Olise bütün yarışlarda 11 oyun keçirib, bu matçlarda altı qol vurub və üç məhsuldar ötürmə edib. Futbolçunun əmək müqaviləsi 2027-ci ilin iyun ayının sonuna qədərdir. Transfermarkt oyunçunu 50 milyon avro qiymətləndirir.