“MY” “Siti”ni məğlub etməyə çalışacaq - Onana

"Mançester Yunayted"in qapıçısı Andre Onana İngiltərə Premyer Liqasının 27-ci turunda "Mançester Siti" ilə keçiriləcək görüşlə bağlı fikirlərini bölüşüb.

90deqiqe.Az xəbər verir ki, 27 yaşlı qolkiper oyunun çətin keçəcəyini lakin hədəflərinin qələbə qazanmaq olduqlarını bildirib.

“Komandadakı hər kəs bu oyunun “Mançester Yunayted”lə əlaqəli olanlar üçün nə qədər vacib olduğunu başa düşür. Çətin olacağını bilirik, amma qələbə üçün oynamağa çalışacağıq. Əlbəttə, bu asan məsələ deyil, amma biz bir-birimizə inanırıq. Komanda mübarizəyə hazırdır”

Mançester derbisi martın 3-də, Bakı vaxtı ilə saat 19:30-da başlayacaq."Mançester Siti" turnir cədvəlində ikinci, "Mançester Yunayted" isə altıncıdır.