Obi Mikel Osimhenin bu kluba keçməsini istəyir

"Çelsi"nin sabiq futbolçusu Con Obi Mikel "Napoli"nin hücumçusu Viktor Osimhenin hansı klubda oynamalı olduğunu açıqlayıb.

90deqiqe.Az xəbər verir ki, 36 yaşlı veteran futbolçu nigeriyalı forvardın "Çelsi"ni sevdiyini bildirib.

"Çelsi" ilə Osimhen arasında qarşılıqlı maraq var. Düşünürəm ki, o, bu klubu sevir və ora getmək istəyir", - "Goal" keçmiş yarımmüdafiəçinin sözlərini sitat gətirib.

Con həmçinin keçmiş Nigeriya komanda yoldaşını London klubuna keçməyə razı salmağa çalışdığını etiraf edib. Onun fikrincə, uğurlu çıxış üçün “aristokratlar”a məhz belə hücumçu çatışmır. Osimhenin mövsümün sonunda İtaliya komandasını tərk edəcəyi əvvəllər məlum idi. Futbolçu daha bir Avropa çempionatında bəxtini sınamaq istəyir.