De Zerbi Ansu Fati haqqında DANIŞDI

"Brayton"un baş məşqçisi Roberto De Zerbi yarımmüdafiəçi Ansu Fatinin durumu haqda danışıb.

90deqiqe.Az xəbər verir ki, çalışdırıcı, gənc oyunçunun özünə inamının zəif olduğunu bildirib.

“O, özünə daha çox inanmalıdır. O, həssas oğlandır, yaxşı oğlandır və mənim işimin bir hissəsi də oyunçuların özlərinə inanmalarına, bəzilərini deyil, bütün keyfiyyətlərini göstərməsinə kömək etməkdir. O, hər gün 100% verməlidir”, – jurnalist Fabrizio Romano X sosial şəbəkəsində (keçmiş Twitter) baş məşqçinin sözlərini sitat gətirir.

Xatırladaq ki, Ansu Fati 2012-ci ildən sistemində olduğu "Barselona"nın məzunudur. Yarımmüdafiəçi İngiltərə klubunda 1 illik icarə əsasında çıxış edir.

Bu mövsüm yarımmüdafiəçi "Brighton"da 22 oyun keçirib, bu oyunda dörd qol vurub və bir məhsuldar ötürmə edib. Transfermarkt portalında verilən məlumata görə, futbolçunun bazar dəyəri 30 milyon avrodur.