Kodi Qakpodan "Mançester Yunayted" etirafı

"Liverpul"un hücumçusu Kodi Qakpo "Mançester Yunayted"dən təklif aldığını etiraf edib.

90deqiqe.Az  xəbər verir ki, niderlandlı futbolçu "qırmızı şeytanlar"ın onunla maraqlandığını, lakin o, "Liverpul"a keçməyə qərar verdiyini bildirib.

“Mançester Yunayted” “Liverpul”a keçməzdən əvvəl mənimlə müqavilə imzalamaq üçün danışıqlar aparırdı. Erik ten Haqla danışdım, amma sonda “Liverpul”a keçdim - və bu, mənim üçün ən yaxşı qərar idi”, – jurnalist Fabrizio Romano X sosial şəbəkəsində (keçmiş Twitter) futbolçunun sözlərini sitat gətirir.

Bu mövsüm Kodi Qakpo "Liverpul"un heyətində 37 oyun keçirib, 11 qol vurub və 5 məhsuldar ötürmə edib. Transfermarkt internet portalının məlumatına görə, futbolçunun təxmini dəyəri 50 milyon avro təşkil edir."Liverpul" İngiltərə Premyer Liqasının 26 turundan sonra 60 xalla birinci yerdədir.