Ben Uayt "Arsenal"ın çempionluq şanslarını dəyərləndirib

"Arsenal"ın sağ cinah müdafiəçisi Ben Uayt İngiltərə Premyer Liqasında çempionluq yarışı ilə bağlı açıqlama verib.

90deqiqe.Az-ın məlumatına görə, 26 yaşlı futbolçu ötən mövsümlə müqayisədə xeyli gücləndiklərini bildirib.

 “İtirəcəyimiz heç nə yoxdur, sadəcə meydançaya çıxıb əvvəlki matçlardakı kimi oynamalıyıq. Düşünürəm ki, ötən mövsümlə müqayisədə komanda olaraq xeyli güclənmişik. Əgər biz bu dəfə o vaxtkı vəziyyətdə olsaydıq, hər şey çox fərqli ola bilərdi”, - “The Guardian” Uaytdan sitat gətirir.

“Topçular” çempionluq uğrunda “Liverpul” və “Mançester Siti” ilə birlikdə mübarizə aparır. Mikel Artetanın komandasının 58 xalı var ki, bu da 1 oyun çox keçirən və çempionata başçılıq edən Liverpuldan 5 azdır.Martın 4-də “Arsenal” səfərdə “Şeffild Yunayted”lə qarşılaşacaq.