Nunes şou göstərdi, Suares təriflədi

"İnter Mayami"nin futbolçusu Luis Suares sabiq komnadası "Liverpul"da çıxış edən həmyerlisi hücumçu Darvin Nunes haqqında danışıb.

90deqiqe.Az  xəbər verir ki, 37 yaşlı forvard, həmyerlisinin hazırda dünyanın ən yaxşı hücumçularından biri olduğunu bildirib.

“Bəli, onun qolunu gördüm ("Nottinqem Forest"ə qalibiyyət qolu - Çempionatdan qeyd). ı "Liverpul" və Darvin üçün çox xoşbəxtəm. Bu gün o, dünyanın ən yaxşı hücumçularından biridir”, - deyə “Goal” Suaresdən sitat gətirir.

Bu mövsüm 24 yaşlı Nunes bütün yarışlarda 38 oyun keçirib, 14 qol vurub və 11 məhsuldar ötürmə edib. Forvardın "Liverpul"la hazırkı müqaviləsi 2028-ci ilin yayına kimi nəzərdə tutulub. İngiltərə Premyer Liqasının 2023/2024 mövsümünün 27 turundan sonra mersisaydlılar 63 xalla turnir cədvəlinin birinci pilləsində qərarlaşıb. Bundan əvvəl Yurgen Kloppun komandası finalda Londonun “Çelsi” komandasına qalib gələrək İngiltərə Liqa Kubokunun qalibi olmuşdu.