Reqilon “Tottenhem”dən ayrılığından danışdı

"Brentford" klubunun sol cinah müdafiəçisi Serxio Reqilon “Tottenhem”in ona niyə inanmadığını anlamır.

90deqiqe.Az-ın məlumatına görə, ispan oyunçu londonluların baş məşqçisinin davranışının xoşagəlməz olduğunu bildirib.

 “Mən vəziyyəti başa düşmədim və hələ də başa düşmürəm. Mövsümöncəsi mən çox xoşbəxt idim, məşqçi də məndən razı idi. Mən adi oyunçu kimi tez-tez meydana çıxırdım. Postecogloudan həqiqətən məni klubda görmək istəyib-istəmədiyini soruşdum. Mənə onun planlarının bir hissəsi olduğumu söylədi. Çox qəribə idi, amma ertəsi gün məşqdən kənarlaşdırıldım”

İspan hazırkı komandasında mövsümün sonuna kimi icarə əsasında çıxış edir. Futbolçu kampaniyanın ilk yarısını “Mançester Yunayted”də keçirib.