"Heç bir komanda bu qədər zədənin öhdəsindən gələ bilməzdi"

"Mançester Yunayted"in baş məşqçisi Erik ten Haq komandanın bu mövsüm niyə ən yaxşı nəticə əldə etməməsinin səbəbini açıqlayıb.

90deqiqe.Az  xəbər verir ki, niderlandlı çalışdırıcı "qırmızı şeytanlar"ın zədələlərdən çox əziyyət çəkdiyini bildirib.

“Heç bir komanda bu qədər zədənin öhdəsindən gələ bilməzdi. Biz uğur qazanmaq istəyirik və buna nail olmalıyıq, lakin bəzən mövsümlər belə olur”

Xatırladaq ki, “qırmızı şeytanlar”ın hazırda 5 zədəli futbolçusu var: sol cinah müdafiəçisi Tayrel Malaziya, hücumameyilli yarımmüdafiəçi Meyson Maunt, sağ cinah müdafiəçisi Aaron Van-Bissaka, mərkəz müdafiəçisi Lisandro Martinez və sol cinah müdafiəçisi Lyuk Şou.

İngiltərə çempionatının 27 turundan sonra Haqın on adamı 44 xal toplayaraq altıncı yerdədir.