"Arsenal" Zinçenkonun gələcəyi ilə bağlı qərar verib

"Arsenal" müdafiəçi Aleksandr Zinçenko ilə müqaviləni uzatmaqda maraqlıdır.

90deqiqe.Az xəbər verir ki, London klubunun rəhbərliyi ukraynalı futbolçuya 2028-ci ilə qədər qüvvədə olacaq uzunmüddətli müqavilə təklif etməyi planlaşdırır. Tərəflər arasında mövcud müqavilənin müddəti 2026-cı il iyunun sonunda başa çatır.

Bu mövsüm sol cinah müdafiəçisi Aleksandr Zinçenko "Arsenal"ın heyətində bütün turnirlərdə 27 oyun keçirib, bir qol vurub və iki məhsuldar ötürmə edib.

Transfermarkt internet portalının məlumatına görə, Zinchenko 2022-ci ilin yayında 35 milyon avroya "Mançester Siti"dən "Arsenal"a keçib.Üstəlik onun hazırkı bazar dəyəri 42 milyon avrodur ki, bu da karyerasında pik rəqəmdir.