"Bu liqa çox çətin və çox rəqabətlidir"

“Arsenal”ın yarımmüdafiəçisi Martin Odeqard komandasının son oyunlardakı çıxışından danışıb.

90deqiqe.Az xəbər verir ki, norveçli futbolçu hazırkı formanı davam etdirmək istədiklərini bildirib.

“Biz bu yaxınlarda əla formadayıq və indi bu standartları qorumaq və sürəti artırmağa davam etmək vacibdir. Bu liqa çox çətin, çox rəqabətlidir və hər oyun çox vacibdir. Biz ora çıxıb, amansız olmaq, oyunlarda qalib gəlmək və növbəti oyunlara can atmaq istəyirik.

"Brentford" keçən mövsüm burada heç-heçə etdi və eyni zamanda ən yaxşı komandalara qarşı əla rekorda sahibdir, ona görə də onlara qarşı oynamaq həmişə çox çətindir. Biz hazır olmalıyıq və öz oyunumuzu oynamalıyıq”,

"Arsenal" İngiltərə futbol tarixində ardıcıl üç səfər matçında 5+ qol fərqi ilə qalib gələn ilk komanda olmaqla rekorda imza atıb. Bundan əvvəl Mikel Artetanın komandası səfərdə "Vest Hem Yunayted" (6:0) və "Bernli"ni (5:0) məğlub edib.

Həmçinin, son 4 qarşılaşmada "Arsenal" 21:1 ümumi fərqlə qalib gəlib.

27 turdan sonra "Arsenal" Premyer Liqada 61 xalla 3-cü pillədə qərarlaşıb. Çempionata "Liverpul" başçılıq edir (63 xal).

“Brentford”la oyun martın 9-da “Emireyts” stadionunda, Bakı vaxtı ilə saat 21 :30-da başlayacaq.