Salah Kloppun "Liverpul"dan ayrılması xəbərinə ilk reaksiyasından DANIŞDI

"Liverpul"un hücumçusu Məhəmməd Salah komandanın baş məşqçisi Yurgen Kloppun Mersisayd düşərgəsini tərk etməsi ilə bağlı xəbərə ilk reaksiyasını açıqlayıb.

90deqiqe.Az-ın məlumatına görə, misirli forvard  bununla bağlı komanda yoldaşı Van Deykin xəbər verdiyini bildirib.

“Saat 10:30-da komanda iclasımız oldu, bu qəribədir. Gəldim, agentini gördüm və düşündüm ki, müqaviləni yeniləyir. Sonra Van Deyk mənə Kloppun getdiyini söylədi. Fikirləşdim: “Niyə?!” 

Xatırladaq ki, yanvarın sonunda Yurgen Klopp cari mövsümün sonunda “Liverpul”u tərk edəcəyini açıqlamışdı. 56 yaşlı mütəxəssis qərarını enerjisinin tükənməsi ilə izah edib. Alman çalışdırıcı onu da qeyd edib ki, o, ayrılandan sonra gələn il nə klubda, nə də millidə işləməyəcək.